【2020 聖誕打卡好去處】情侶/一家大細拍照留念慶祝去邊好?

香港好去處 2

雖然疫情下,大家出街嘅心情同動力都減卻不少,但各大商埸及市集都盡力帶來節日氣氛,讓這個聖誕都係快樂地過,感受聖誕的喜悅!Dotcept 為大家搜羅2020年各式聖誕燈飾及打卡地點,等你約齊家人、愛侶、好友感受不一樣的聖誕節日!

📍 尖沙咀海港城LCX「白爛貓」

49 copy
圖片來源:海港城LCX

來自台灣超人氣的LINE貼圖白爛貓,佈滿整個LCX!嚟到香港,當然要學返幾句廣東話潮語啦~「很想要吧?」、「震驚700萬人嘅美貌」,都係一個搞鬼又可愛嘅呃like地點!

📍 旺角T.O.P「大麻成」

50 copy
圖片來源:T.O.P

「樣衰冇罪㗎?」唔知你又有冇畫面?冇錯啦,就係大麻成!今個聖誕旺角商場T.O.P This is Our Place聯同本地人氣漫畫「賤人新世紀」合作,商場唔同角落都佈置人氣角色「大麻成」同其他你一定有用過嘅icon,例如「啊婆走得快」等梗你~

📍 屯門市廣場角落生物「Sweet Christmas Studio」

51 copy
圖片來源:屯門市廣場

「炸蝦尾,冇人要我㗎喇…」風靡全台的Sumikko Gurashi│角落小夥伴,喺屯門市廣場打造全港首個角落生物主題烘焙工房「Sweet Christmas Studio」、主題打卡區及聖誕期間限定店,如果鍾意佢哋嘅你就唔好錯過喇!

📍 將軍澳東港城「反斗夢幻嘉年華」

52
圖片來源:東港城

《反斗奇兵》及《怪獸公司》,大細路都鍾意嘅角色,今年將會喺軍澳東港城等住你!兩大Pixar人氣動畫角色都會放滿將軍澳東港城,不但多打卡位、亦有大量獨家精品限時發售㗎!

📍 鑽石山荷里活廣場「Peppa Pig聖誕嘉年華」

53
圖片來源:荷里活廣場

「哥哥,點解豬仔一邊面有兩張眼嘅?」你唔好理,總之Peppa Pig就係近年最熱門嘅卡通之一啦!今年鑽石山荷里活廣場設立Peppa Pig碰碰車樂園,唔同角色例如 Mr Elephant、Mummy Pig 都會係到等梗你嘅小朋友~Peppa Pig 嘅聖誕樹、聖誕劇埸、馴鹿禮物車… 一家大細打卡又得,盡情破費又得!

Dotcept 成立於 2019年,是嶄新的本地體驗舉辦與預約平台。以「體驗市集」概念連結策劃師與需要預約體驗的用戶,深受 18-34 歲年輕人喜愛。DOTCEPT 體驗在於改變你“點諗“自己和世界。體驗由行業的興趣愛好者及專家所設計和主辦,由靜態的工作坊,到動態的長途健行。每個人都有著意想不到的知識技能,配上足夠的熱情,必能創造更多附加價值。
Back To Top